333

تفریح کے لئے جانے والی فیملی خوفناک حادثے کا شکار

اٹک: پکنک منانے کی غرض سے جانے والی فیملی خوفناک حادثے کا شکار ہوگئی۔

ریسکیو ذرائع کے مطابق اٹک کے دریائے ہرو میں باہتر کے مقام پر تفریحی کے لئے آنے والے پانچ افراد ڈوب گئے، ڈوبنے والوں میں بچے اور بچیاں بھی شامل ہیں۔

ریسکیو ذرائع کا کہنا ہے کہ دریا میں نہانے کے دوران ایک بچہ گہرے پانی میں ڈوبا تو دیگر افراد اسے بچانے کے لئے گہرے پانی کی جانب بڑھے مگر پانی کی تیز لہریں انہیں اپنے ساتھ بہا لے گئیں، دلخراش حادثے میں پانچ قیمتی جانیں ضائع ہوگئیں۔

امدادی ٹیموں نے کارروائی کرتے ہوئے لاشوں کو نکال کر اسپتال منتقل کیا، جاں بحق افراد میں ماں بیٹے اور بیٹیاں شامل ہیں، جن کی شناخت زوجہ عبد الرحمان، دس سالہ عائشہ، چودہ سالہ مریم ، بارہ سالہ فلک اور سولہ سالہ عبدالمنان کے ناموں سے کی گئیں۔

Comments





Source Ary News Urdu

اس خبر پر اپنی رائے کا اظہار کریں

اپنا تبصرہ بھیجیں