4

اسکول فیسوں میں کتنی کمی کی جارہی ہے؟ –

کویت میں نجی اسکولز کی فیسوں میں 25 فیصد کمی کو برقرار رکھنے کی تجویز پیش کی گئی ہے۔

کویتی میڈیا کے مطابق یہ تجویز قانون ساز ایم پی علی القطان کی جانب سے وزارت تعلیم کو خط کی صورت ‏میں پیش کی گئی ہے۔

انہوں نے وزارت تعلیم سے کہا ہے کہ سیشن 2021/22 کے لیے نجی اسکولز کی فیسوں میں 25 فیصد کمی کو ‏برقرار رکھا جائے۔

علی القطان نے مطالبہ کیا ہے کہ اسکولز کو پابند بنایا جائے کہ وہ نئی سیشن میں بھی فیسوں میں کمی برقرار ‏رکھیں اور اس فیصلے پر عملدرآمد کا انہیں پابند بنایا جائے۔

ساتھ ہی انہوں نے یہ بھی مطالبہ کیا ہے کہ وہ اسکولز جو فیسوں میں کمی نہ کریں ان کے خلاف ضابطے کی ‏کارروائی عمل میں لائی جائے اور انہیں جرمانے کیے جائیں۔

علی القطان نے سفارش کی ہے کہ اگلا تعلیمی نظام آن لائن ہو یا نہ ہو لیکن فیسوں میں کمی کے سلسلے کو ‏برقرار رکھنا چاہیے۔

Comments





Source Ary News Urdu

اس خبر پر اپنی رائے کا اظہار کریں

اپنا تبصرہ بھیجیں