4

وفاقی کابینہ نے راؤ سردار کو نیا آئی جی پنجاب بنانے کی منظوری دے دی

اسلام آباد: وفاقی کابینہ نے راؤ سردار کونیا آئی جی پنجاب بنانے اور کامران علی افضل کوچیف سیکریٹری پنجاب تعینات کرنے کی منظوری دے دی۔

تفصیلات کے مطابق ا وزیراعظم عمران خان کی زیر صدارت وفاقی کابینہ کا اجلاس ہوا ، اجلاس میں ملکی سیاسی اورمعاشی صورتحال کاجائزہ لیا گیا اور 15 نکاتی ایجنڈے پرغور کیا گیا جبکہ آئی جی پنجاب اور چیف سیکریٹری پنجاب کے ناموں پر بھی مشاورت ہوئی۔

وفاقی کابینہ نے راؤ سردار کونیا آئی جی پنجاب بنانے اور کامران علی افضل کوچیف سیکریٹری پنجاب تعینات کرنے کی منظوری دے دی۔

خیال رہے نئے تعینات آئی جی راؤ سردار سیف سٹی پراجیکٹ کے سربراہ ہیں ، راؤ سردار گزشتہ 3سالوں میں تعینات ہونیوالے چھٹےآئی جی پنجاب ہوں گے جبکہ کامران افضل اسوقت سیکریٹری صنعت کی خدمات سرانجام دےرہےہیں ، وہ پنجاب میں 3سال کے دوران تعینات 5ویں چیف سیکریٹری ہوںگے۔

یاد رہے وزیر اعلیٰ پنجاب کی جانب سے چیف سیکرٹری پنجاب اور آئی جی پنجاب کے ناموں کی سمری ارسال وزیراعظم کو ارسال کی گئی تھی، جس میں چیف ‏سیکریٹری کیلئےکامران افضل، بابرحیات تارڑ، احمد نواز سکھیرا کا نام جب کہ آئی جی پنجاب کیلئے راؤ ‏سردار، ظفر اقبال اور محسن بٹ کا نام بھجوایا گیا تھا۔

چیف سیکریٹری کیلئےکامران افضل کے نام پر متعددسینئر افسران کےتحفظات ہیں بعض سینئر افسران نے تحفظات ‏سے متعلقہ حکام تک پہنچائے۔

Comments





Source Ary News Urdu

اس خبر پر اپنی رائے کا اظہار کریں

اپنا تبصرہ بھیجیں